كلكم النت عدكم بطيء !!! دمار خصوصا اللي بلعراق دمار نفسي النت عدكم و عندي هم مدمرني
راح اسولفلكم اليوم ليش عدنه النت بطيء
طبها بلعراق يتم استقبال الانرنت بواسطة منظومات لاسلكية بتردد 2.4 ميكا هيرتز لحد الان حلو مو أي .
زين عدنه ابو المركز اللي يبثلكم الانترنت منين يجيب نت ؟
خوش سؤال ابو المركز مال النت يستقبل الانرنت من القمر الصناعي بواسطة منظومات يطلق عليها VSAT و هاي المنظومات تحتوي على صحن (دش) و اولمبي خاص و جهاز مودم يستقبل البيانات و يرسل بنفس الوقت .
صاحب مركز الانرنت يستقبل الانرنت من القمر و بنفس الوقت يحتاج يبث معلومات بيانية حتى يتم استقبال الطلب اللي انت دزيته شلون يعني ؟؟ ركزوا شوية وياي هسة .
منظومة الانترنت الرئيسية اللي بداخل المركز مال النت اللي انت ساحب منه ترسل معلومات للقمر طبعا هذا كله يحتاج الى وقت لحد ما يرسل على شكل موجات بسبب الضروف الجوية و الخ.. يقوم القمر بأستقبال المعلومات من المنظومة و يعيد للمنظومة الموقع اللي تم طلبه يعني انت تريد تفتح الكوكل شراح يصير تنرسل معلومات من المنظومة مالتك اللي بداخل الحاسبة للاكسس بوينت مال ابو المركز و بعدين من الاكسس بوينت للمنظومة و من المنظومة للقمر و النوب تنعاد من القمر للمنظومة للاكسس بوينت للحاسبة مالتك و اخذ بعين الاعتبار حالة الجو و الموجات الكهرومغناطيسية المشوشة الخ.....
شفتوا شلون دوخة يعني همزين يوصلنه نت بلعراق .
الانرنت عن طريق DSL يكون اسرع بكثير من الفضائي لان تشوشات الموجات و احوال الطقس ما تأثر عيله و ثاني شي ماكو اكسس بوينت و لا منظومة و لا مدري شنو مجرد مباشرة عن طريق اسلاك يتم استلام الانرنت من مركز الانرنت في امريكا الى البيت مالتك .. هسة عرفتوا الفرق .. فلا احد يدوخك و لا مدري شنو الانرنت بلعراق عمره ما ينعدل ....
بأحد التجارب الي كدرت احصل على سرعة ترانسفير ريت تصل الى 100 كيلو بايت .
بس هسة 30 كيلو ما اكدر احصل لان المركز القديم صارت بي مشاكل و هسة ساحب من مركز اخر شوية ضعيف النت عنده .
الثلاثاء مايو 20, 2008 2:46 pm